Instagram Help Center

Instagram সেৱা

আমি আপোনাক Instagram সেৱা প্ৰদান কৰিবলৈ সন্মত৷ সেৱাটোত সকলো Instagram সামগ্ৰী, সুবিধা, এপ্লিকেশ্যন, সেৱা, প্ৰযুক্তি আৰু ছফ্‌টৱেৰ থাকিব যিখিনি আমি Instagram-ৰ ভৱিষ্যদৃষ্টি উন্নত কৰিবলৈ প্ৰদান কৰোঃ আপোনাক লোকসকল আৰু আপুনি ভাল পোৱা বস্তুবিলাকৰ ওচৰ চপাই অনা। সেৱাটো নিম্নলিখিত প্ৰেক্ষাপট ("সেৱা")ৰ সৈতে গঠিত হৈছেঃ

• সৃষ্টি, সংযোগ, যোগাযোগ, আৱিষ্কাৰ আৰু ভাগ-বতৰা কৰিবলৈ ব্যক্তিগতকৃত সুবিধাসমূহ প্ৰদান কৰা৷
  মানুহবোৰ পৃথক৷ আমি প্ৰকৃততে আপুনি গুৰুত্ব দিয়া ভাগ-বতৰা কৰা অভিজ্ঞতাৰ জৰিয়তে আপোনাৰ সম্পৰ্ক সুদৃঢ় কৰিবলৈ বিচাৰোঁ৷ গতিকে আমি এনে প্ৰণালী গঢ় দিছো যিয়ে আপুনি আৰু আনে গুৰুত্ব দিয়া বিষয় বুজিবলৈ চেষ্টা কৰে, আৰু সেই তথ্য আপোনাৰ কাৰণে গুৰুত্বপূৰ্ণ অভিজ্ঞতা সৃষ্টি কৰিবলৈ, বিচাৰিবলৈ, যোগদান কৰিবলৈ আৰু ভাগ-বতৰা কৰিবলৈ ব্যৱহাৰ কৰে৷ আপুনি আগ্ৰহী হ’ব পৰা সেই আলোকপাত কৰা সমল, বৈশিষ্ট, অফাৰ আৰু একাউণ্টসমূহৰ অংশ, আপুনি আৰু আনে Instagram-ত বা তাৰ বাহিৰত কৰা কামৰ ভিত্তিত Instagram-ৰ অভিজ্ঞতা লাভ কৰিবলৈ আপোনাৰ বাবে উপায় আগবঢ়াই আছো।
• এটি ইতিবাচক, সমন্বিত আৰু নিৰাপদ পৰিৱেশ গঢ় দিয়া।
  আমি সঁজুলিৰ বিকাশ আৰু ব্যৱহাৰ কৰো আৰু আমাৰ সমুদায়ৰ সদস্যসকললৈ সংসাধন প্ৰদান কৰো যি আমি তেওঁলোকক সহায়ৰ প্ৰয়োজন হোৱা বুলি ভবাৰ সময়ত তেওঁলোকৰ অভিজ্ঞতা ইতিবাচক আৰু সমন্বিত কৰি গঢ় দিয়াত সহায় কৰে৷ আমাৰ দল আৰু প্ৰণালীয়ো আছে যি আমাৰ চৰ্ত আৰু নীতিসমূহৰ অপব্যৱহাৰ আৰু উলংঘনৰ লগতে ক্ষতিকাৰক আৰু প্ৰতাৰণামূলক আচৰণৰ বিৰুদ্ধে যুঁজ দিবলৈ কাম কৰে৷ আমি আমাৰ হাতত থকা সকলো তথ্য ব্যৱহাৰ কৰো-আমাৰ প্লেটফৰ্ম নিৰাপদে ৰখাৰ চেষ্টা কৰিবলৈ আপোনাৰ তথ্যক অন্তৰ্ভুক্ত কৰি। আমি অন্য Facebook কোম্পানী বা আইন বলবৎকাৰীৰ সৈতে অপব্যৱহাৰ বা ক্ষতিকাৰক সমলৰ বিষয়েও তথ্য সহভাগ কৰিব পাৰো৷ ডাটা নীতিত অধিক জানক৷
• প্ৰযুক্তিৰ বিকাশ আৰু ব্যৱহাৰে আমাক আমাৰ বৃদ্ধিশীল সম্প্ৰদায়ক নিৰবিচ্ছিন্নভাৱে সেৱা কৰাত সহায় কৰে৷
  আমাৰ বৃদ্ধিশীল সম্প্ৰদায়ৰ বাবে তথ্য সংগঠিত কৰা আৰু বিশ্লেষণ কৰাই আমাৰ সেৱাৰ মুখ্য বিষয়৷ আমাৰ সেৱাৰ এটা বৃহৎ অংশই অত্যাধুনিক প্ৰযুক্তি ব্যৱহাৰ কৰে যি বিস্তৃত গোলকীয় সম্প্ৰদায়ৰ বাবে অবিশ্বাস্যভাৱে ডাঙৰ পৰিসৰত আমাৰ সেৱা ব্যক্তিগতকৰণ, সুৰক্ষিত আৰু উন্নত কৰাত সহায় কৰিব পাৰে৷ আৰ্টিফিচিয়েল ইণ্টেলিজেন্স আৰু মেচিন লাৰ্নিংৰ দৰে প্ৰযুক্তিসমূহে আমাৰ গোটেই সেৱাসমূহত জটিল প্ৰক্ৰিয়াসমূহ প্ৰয়োগ কৰাত আমাক শক্তি প্ৰদান কৰে৷ স্বয়ংচালিত প্ৰযুক্তিসমূহেও আমাৰ সেৱাৰ কাৰ্যক্ষমতা আৰু সংহতি সুনিশ্চিত কৰাত আমাক সহায় কৰে৷
• অন্য সমগ্ৰ Facebook কোম্পানীৰ প্ৰডাক্টসমূহত ধাৰাবাহিক আৰু নিখুঁত অভিজ্ঞতা প্ৰদান কৰা।
  Instagram হৈছে Facebook কোম্পানীসমূহৰ অংশ, যি উন্নত, সুৰক্ষিত আৰু অধিক নিৰাপদ সেৱাসমূহ প্ৰদান কৰিবলৈ (ডাটা নীতিত অধিক জানক) আপোনাৰ বিষয়ে আমাৰ হাতত থকা তথ্যক সামৰি প্ৰযুক্তি, প্ৰণালী, অন্তৰ্দৃষ্টি আৰু তথ্য সহভাগ কৰে৷ আমি লগতে আপুনি ব্যৱহাৰ কৰা Facebook কোম্পানীৰ প্ৰডাক্টসমূহৰ লগত আন্তঃক্ৰিয়া কৰিবলৈ উপায় আগবঢ়াওঁ আৰু সমগ্ৰ Facebook কোম্পানীৰ প্ৰডাক্টসমূহৰ নিখুঁত আৰু সামঞ্জস্যপূৰ্ণ অভিজ্ঞতা পাবলৈ প্ৰণালীসমূহ তৈয়াৰ কৰো।
• আমাৰ সেৱাৰ বাবে এক সুস্থিৰ গোলকীয় আন্তঃগাথনি সুনিশ্চিত কৰা৷
  আমাৰ গোলকীয় সেৱা প্ৰদান কৰিবলৈ, আমি আপুনি বসবাস কৰা দেশৰ বাহিৰৰ ডাটাক সামৰি সমগ্ৰ বিশ্বৰ প্ৰণালীত সঞ্চয় আৰু স্থানান্তৰ কৰিবই লাগিব৷ এই আন্তঃগাঁথনি Facebook, Inc., Facebook Ireland Limited বা তেওঁলোকৰ সহযোগীসমূহৰ দ্বাৰা নিয়ন্ত্ৰণাধীন বা পৰিচালিত হ’ব পাৰে৷
• আপুনি গুৰুত্ব প্ৰদান কৰা ধৰণেৰে আপোনাক ব্ৰেণ্ড, প্ৰডাক্ট আৰু সেৱাসমূহৰ সৈতে সংযোগ কৰা৷
  আমি আপোনাৰ কাৰণে অৰ্থপূৰ্ণ হ’ব বুলি বিশ্বাস কৰা বিজ্ঞাপন, অফাৰ আৰু অন্য পৃষ্ঠপোষকতা কৰা সমল দেখুৱাবলৈ Instagram আৰু অন্য Facebook কোম্পানীৰ প্ৰডাক্টসমূহৰ লগতে তৃতীয়-পক্ষৰ পৰা পোৱা ডাটা ব্যৱহাৰ কৰো৷ আৰু আমি Instagram-ত আপোনাৰ অন্য অভিজ্ঞতাসমূহৰ দৰেই প্ৰাসঙ্গিক সেই সমল তৈয়াৰ কৰিবলৈ চেষ্টা কৰো।
• গৱেষণা আৰু উদ্ভাৱন৷
  আমি আমাৰ সেৱা উন্নত কৰিবলৈ আৰু আমাৰ সমুদায়ৰ কল্যাণত অৰিহণা যোগাবলৈ গৱেষণাৰ বিষয়ত আমাৰ সেৱা অধ্যয়ন আৰু আনৰ সৈতে সহযোগ কৰাৰ অৰ্থে আমাৰ হাতত থকা তথ্য ব্যৱহাৰ কৰোঁ।

ডাটাৰ নীতি

আমাৰ সেৱা প্ৰদান কৰিবৰ বাবে আপোনাৰ তথ্য সংগ্ৰহ আৰু ব্যৱহাৰ কৰাৰ আৱশ্যক৷ ডাটা নীতিয়ে আমি Facebook সামগ্ৰীসমূহত কেনেকৈ তথ্য সংগ্ৰহ, ব্যৱহাৰ আৰু ভাগ-বতৰা কৰো তাৰ ব্যাখ্যা কৰে৷ ই লগতে Instagram-ৰ গোপনীয়তা আৰু নিৰাপত্তা ছেটিংছক অন্তৰ্ভুক্ত কৰি, আপুনি আপোনাৰ তথ্য নিয়ন্ত্ৰণ কৰিব পৰা বহু উপায় ব্যাখ্যা কৰে৷

আপোনাৰ প্ৰতিশ্ৰুতিসমূহ

• আপুনি অন্ততঃ 13 বছৰ বয়সীয়া হ’বই লাগিব।
• প্ৰযোজ্য আইনৰ অধীনত আমাৰ সেৱাৰ যিকোনো প্ৰেক্ষাপট পোৱাৰ পৰা বা পৰিশোধ সম্পৰ্কীয় সেৱাসমূহত লিপ্ত হোৱাৰ পৰা আপোনাক নিশ্চয় প্ৰতিবন্ধিত কৰা নহ’ব যদিহে আপুনি কোনো প্ৰযোজ্য অস্বীকাৰ কৰা দলীয় তালিকাত থাকে।
• আমি নিশ্চয় পূৰ্বতে আইন বা আমাৰ যিকোনো নীতি ভংগ কৰাৰ বাবে আপোনাৰ একাউণ্ট অক্ষম কৰা নাছিলোঁ।
• আপুনি নিশ্চিতৰূপে এগৰাকী যৌন অপৰাধী হ’ব নোৱাৰিব।

• আপুনি আনৰ চদ্মৱেশ ধাৰণ কৰিব বা অসঠিক তথ্য প্ৰদান কৰিব নোৱাৰে৷
  আপুনি Instagram-ত আপোনাৰ পৰিচয় প্ৰকাশ কৰিব নালাগে, কিন্তু আপুনি আমাক সঠিক আৰু শেহতীয়া তথ্য প্ৰদান কৰিবই লাগিব (পঞ্জীয়ন তথ্যক অন্তৰ্ভুক্ত কৰি)৷ লগতে, আপুনি আন কাৰোবাৰ ছদ্মবেশ ধাৰণ কৰিব নোৱাৰিব পাৰে যি আপুনি নহয়, আৰু আপুনি তেওঁলোকৰ প্ৰকাশ্য অনুমতি নোলোৱাকৈ আন কাৰোবাৰ বাবে একাউণ্ট সৃষ্টি কৰিব নোৱাৰে৷
• আপুনি কোনো অবৈধ বা অকৰ্তৃত্বশীল উদ্দেশ্যে কোনো বেআইনী, বিভ্ৰান্তিকৰ বা প্ৰৱঞ্চনামূলক কোনো কাম কৰিব নোৱাৰে।
• আপুনি Instagram সমুদায়ৰ নিৰ্দেশনাৱলী, Instagram-ৰ প্লেটফৰ্ম নীতি আৰু সঙ্গীতৰ নিৰ্দেশনাৱলীক বিশেষভাবে অন্তৰ্ভুক্ত কৰি, এই চৰ্তসমূহ বা আমাৰ নীতিসমূহ উলংঘন কৰিব (বা আনক উলংঘন কৰাত সহায় বা উদগণি যোগাব) নোৱাৰে৷ আমাৰ সহায় কেন্দ্ৰত কেনেকৈ আচৰণ বা সমলৰ বিষয়ে অভিযোগ কৰিব লাগে জানক৷
• আপুনি সেৱাটোৰ অভিপ্ৰেত কাৰ্যকলাপত হস্তক্ষেপ বা ক্ষতিসাধন কৰিবলৈ একো কৰিব নোৱাৰে।
• আপুনি অকৰ্তৃত্বশীল উপায়েৰে একাউণ্ট সৃষ্টি কৰিবলৈ বা প্ৰৱেশ কৰিবলৈ বা তথ্য সংগ্ৰহ কৰিবলৈ প্ৰয়াস কৰিব নোৱাৰে৷
  ইয়াৰ ভিতৰত আছে আমাৰ প্ৰকাশ্য অনুমতি নোলোৱাকৈ স্বয়ংচালিত উপায়েৰে একাউণ্ট সৃষ্টি কৰা বা তথ্য সংগ্ৰহ কৰা কাৰ্য।
• আপুনি আপোনাৰ একাউণ্টৰ কোনো প্ৰেক্ষাপট ক্ৰয়, বিক্ৰী বা স্থানান্তৰ প্ৰয়াস কৰিব (আপোনাৰ ব্যৱহাৰকাৰীৰ নামক অন্তৰ্ভুক্ত কৰি) বা অন্য ব্যৱহাৰকাৰীৰ লগইন ক্ৰিডেনচিয়েল বা বেজৰ অনুৰোধ, সংগ্ৰহ বা ব্যৱহাৰ কৰিব নোৱাৰে৷
• বৌদ্ধিক সম্পদক অন্তৰ্ভুক্ত কৰি, আপুনি ব্যক্তিগত বা গোপনীয় তথ্য প'ষ্ট কৰিব বা আন কোনোবাৰ অধিকাৰ উলঙ্ঘা কৰা একোৱেই কৰিব নোৱাৰে।
  আপুনি আপোনাৰ বৌদ্ধিক সম্পদৰ অধিকাৰ খৰ্ব কৰে বুলি ভবা সমলৰ কেনেকৈ অভিযোগ কৰিব তাক অন্তৰ্ভুক্ত কৰি ইয়াতঅধিক জানক।
• আপুনি আমাৰ আগতীয়া লিখিত সন্মতি নোলোৱাকৈ আপোনাৰ ব্যৱহাৰকাৰীৰ নামত কোনো এটা ডমেইনৰ নাম বা URL ব্যৱহাৰ কৰিব নোৱাৰে৷

• আমি আপোনাৰ সমলৰ গৰাকীস্বত্ব দাবী নকৰোঁ, কিন্তু ইয়াক ব্যৱহাৰ কৰিবলৈ আপুনি আমাক অনুজ্ঞা দিয়ে৷
  আপোনাৰ সমলত আপোনাৰ অধিকাৰৰ বিষয়ে একোৱেই সলনি কৰা হোৱা নাই৷ আমি আপুনি সেৱাত বা ইয়াৰ জৰিয়তে প’ষ্ট কৰা আপোনাৰ সমলৰ গৰাকীস্বত্ব দাবী নকৰোঁ৷ ইয়াৰ পৰিৱৰ্তে, আমাৰ সামগ্ৰীসমূহত বা সেই সম্পৰ্কত যেতিয়া আপুনি সমল ভাগ-বতৰা, প’ষ্ট বা আপল’ড কৰে যি বৌদ্ধিক সম্পত্তিৰ অধিকাৰসমূহৰ দ্বাৰা সুৰক্ষিত (যেনে ফটো আৰু ভিডিঅ’সমূহ), আয়োজন, ব্যৱহাৰ, বিতৰণ, সংশোধন কৰিবলৈ, চলাবলৈ, প্ৰতিলিপি, ৰাজহুৱাকৈ সম্পাদন বা প্ৰদৰ্শন, অনুবাদ, আৰু আপোনাৰ সমলৰ এটা নিহিত কৰ্ম সৃষ্টি কৰিবলৈ এটা অনা-একচেতীয়া, হস্তান্তৰযোগ্য, উপ-অনুজ্ঞাপত্ৰযোগ্য, ৰয়েল্টি-মুক্ত আৰু বিশ্বজোৰা অনুজ্ঞা আপুনি আমাক মঞ্জুৰ কৰে (আপোনাৰ গোপনীয়তা আৰু এপ্লিকেশ্বন ছেটিংছৰ সৈতে সংগতিপূৰ্ণ)৷ আপুনি আপোনাৰ সমল বা একাউণ্ট বিলোপ কৰি যিকোনো সময়ত এই অনুজ্ঞা সমাপ্ত কৰিব পাৰে। তথাপিও, সমল প্ৰকট হৈয়ে থাকিব, যদি আপুনি আনৰ লগত এয়া ভাগ-বতৰা কৰে আৰু তেওঁলোকে ইয়াক বিলোপ নকৰে। আমি তথ্য কেনেকৈ ব্যৱহাৰ কৰো আৰু আপোনাৰ সমল কেনেকৈ নিয়ন্ত্ৰণ বা বিলোপ কৰো সেই বিষয়ে অধিক জানিবলৈ, ডাটাৰ নীতি পুনৰীক্ষণ কৰক আৰু Instagramৰ সহায় কেন্দ্ৰ দৰ্শন কৰক৷
• একাউণ্টসমূহ, বিজ্ঞাপন আৰু পৃষ্ঠপোষকতা কৰা সমলৰ সৈতে আপোনাৰ সম্বন্ধ আৰু কাৰ্যসমূহৰ বিষয়ে আপোনাৰ ব্যৱহাৰকাৰীৰ নাম, প্ৰ’ফাইল ফটো আৰু তথ্য ব্যৱহাৰ কৰিবলৈ অনুমতি৷
  আপুনি আমাক আপোনাৰ কাৰ্যসমূহ (যেনে ধৰক লাইকবোৰ) বা সম্বন্ধ (যেনে ধৰক ফ’ল’ কৰা) ইয়াৰ পিছত আপুনি কোনো ক্ষতিপূৰণ নোপোৱাকৈ Facebookৰ প্ৰডাক্টসমূহত প্ৰদৰ্শিত একাউণ্ট, বিজ্ঞাপন, অফাৰ আৰু অন্য পৃষ্ঠপোষকতা কৰা সমল যিবোৰ আপুনি ফ’ল’ কৰে বা ব্যস্ত থাকে সেই সম্পৰ্কে আপোনাৰ ব্যৱহাৰকাৰী নাম, প্ৰ’ফাইল ফটো আৰু আপোনাৰ কাৰ্যসমূহ দেখুৱাবলৈ অনুমতি দিয়ে৷ উদাহৰণস্বৰূপে, আমি Instagramত ইয়াৰ বিজ্ঞাপন প্ৰদৰ্শন কৰিবলৈ আমাক পৰিশোধ কৰা ব্ৰেণ্ডৰ দ্বাৰা সৃষ্ট কোনো পৃষ্ঠপোষকতা কৰা প’ষ্ট আপুনি পচন্দ কৰাটো আমি দেখুৱাব পাৰোঁ৷ অন্য সমলত কৰা কাৰ্য আৰু অন্য একাউণ্ট অনুসৰণ কৰা, পৃষ্ঠপোষকতা কৰা কাৰ্য আৰু পৃষ্ঠপোষকতা কৰা একাউণ্টসমূহৰ ফ’ল’ আপ কেৱল সেইবোৰ সমল চাবলৈ বা অনুসৰণ কৰিবলৈ অনুমতি থকা লোকসকলে সেইবোৰ চাব পাৰিব৷ আমি আপোনাৰ বিজ্ঞাপন ছেটিংছকো সন্মান কৰোঁ৷ আপুনি আপোনাৰ বিজ্ঞাপনৰ ছেটিংছৰ বিষয়ে ইয়াত অধিক শিকিব পাৰিব৷
• আপুনি সন্মতি জনাইছে যে আমি আপোনাৰ ডিভাইচত আপডে’টসমূহ ডাউনল’ড আৰু ইনষ্টল কৰিব পাৰিম৷

আমি প্ৰতিধাৰণ কৰা অতিৰিক্ত অধিকাৰসমূহ

• যদি আপুনি আপোনাৰ একাউণ্টৰ বাবে কোনো এটা ব্যৱহাৰকাৰী নাম বা সদৃশ চিনাক্তকৰ্তা চয়ন কৰে, তেন্তে আমি ইয়াক যথোপযুক্ত বা আৱশ্যকীয় বুলি বিশ্বাস কৰিলে এয়া সলনি কৰিবও পাৰোঁ (উদাহৰণস্বৰূপে, যদি ই আন কাৰোবাৰ বৌদ্ধিক সম্পদৰ অধিকাৰ খৰ্ব কৰে বা অন্য ব্যৱহাৰকাৰীৰ চদ্মৱেশ ধাৰণ কৰে)।
• যদি আপুনি আমাৰ হাতত থকা আৰু আমাৰ সেৱাত উপলব্ধ কৰোৱা বৌদ্ধিক সম্পদৰ অধিকাৰ সামৰি লোৱা সমল ব্যৱহাৰ কৰে (উদাহৰণস্বৰূপে, আমি প্ৰদান কৰা প্ৰতিচ্ছবি, ডিজাইন, ভিডিঅ’ বা শব্দসমূহ যিবোৰ আপুনি সৃষ্টি বা সহভাগ কৰা সমলত যোগ কৰে), আমি আমাৰ সমলত সকলো অধিকাৰ বজায় ৰাখো (কিন্তু আপোনাৰ নহয়)।
• আপুনি মাত্ৰ আমাৰ বৌদ্ধিক সম্পদ আৰু ট্ৰেডমাৰ্ক বা সদৃশ চিহ্ন আমাৰ ব্ৰেণ্ডৰ নিৰ্দেশনাৱলী বা আমাৰ আগতীয়া লিখিত অনুমতিৰ দ্বাৰা প্ৰকাশ্যভাৱে অনুমতি দিয়া অনুসৰিহে ব্যৱহাৰ কৰিব পাৰে৷
• আপুনি সংশোধন কৰিবলৈ, কিহবাৰ ব্যুৎপত্তিমূলক কৰ্ম সৃষ্টি কৰিবলৈ, ডিকম্পাইল কৰিবলৈ বা আনহাতে আমাৰ পৰা উৎসৰ ক’ড আহৰণ কৰিবলৈ আমাৰ পৰা বা এটা মুক্ত উৎসৰ অনুজ্ঞাৰ অধীনত লিখিত অনুমতি আহৰণ কৰিবই লাগিব।

সমল আঁতৰোৱা আৰু অক্ষম কৰা বা আপোনাৰ একাউণ্ট কৰ্তন কৰা

• আমি আপুনি এই সেৱাত ভাগ-বতৰা কৰা যিকোনো সমল বা তথ্যই এই ব্যৱহাৰৰ চৰ্তাৱলী, আমাৰ নীতিসমূহ (আমাৰ Instagram সমুদায়ৰ নিৰ্দেশনাৱলী অন্তৰ্ভুক্ত কৰি) উলংঘন কৰা বুলি বিশ্বাস কৰিলে, বা আমি আইন অনুযায়ী তেনে কৰিবলগীয়া হ’লে সেইবোৰ আঁতৰাব পাৰোঁ৷ আমি আপোনাক সেৱাৰ সকলো বা অংশবিশেষ প্ৰদান কৰিবলৈ অস্বীকাৰ বা প্ৰদান কৰাটো তত্ক্ষণাত বন্ধ কৰিব পাৰোঁ (আপোনাৰ একাউণ্ট কৰ্তন বা অক্ষম কৰাকে ধৰি) যদিহে আপুনিঃ ব্যৱহাৰৰ এই চৰ্তাৱলী, আমাৰ নীতিসমূহ স্পষ্টভাৱে, গম্ভীৰতাৰে বা বাৰে বাৰে উলংঘন কৰে (আমাৰInstagram সমুদায়ৰ নিৰ্দেশনাৱলীক অন্তৰ্ভুক্ত কৰি), যদি আপুনি বাৰে বাৰে অন্য লোকৰ বৌদ্ধিক সম্পত্তিৰ অধিকাৰ ভংগ কৰে, বা য’ত আইনৰ দ্বাৰা আমি তেনে কৰাটো প্ৰয়োজনীয় হয়। আমাৰ সামূহিক নিৰ্দেশনাসমূহ ভংগ কৰাৰ বাবে আপোনাৰ সমল আঁতৰাবলৈ যদি আমি কাৰ্য্যব্যৱস্থা লওঁ, বা আপোনাৰ একাউণ্ট অক্ষম বা কৰ্তন কৰোঁ, য’তেই উপযুক্ত হয় আমি আপোনাক অৱগত কৰিম। আপুনি আপোনাৰ একাউণ্ট কোনো ভুলৰ কাৰণে কৰ্তন হোৱা বুলি বিশ্বাস কৰিলে বা আপুনি আপোনাৰ একাউণ্ট নিষ্ক্ৰিয় কৰিবলৈ বা স্থায়ীৰূপত বিলোপ কৰিবলৈ বিচাৰিলে, আমাৰ সহায় কেন্দ্ৰৰ সৈতে আলোচনা কৰিব৷
• আপুনি বিলোপ কৰা সমল এটা নিৰ্দ্দিষ্ট সময়ৰ বাবে বেকআপ প্ৰতিলিপিসমূহত সীমিত সময়ৰ বাবে থাকিব পাৰে আৰু আনে ভাগ-বতৰা কৰিলে সেইবোৰ তথাপিও দৃশ্যমান হ’ব৷ আনকি আপোনাৰ একাউণ্ট কৰ্তন কৰা বা বিলোপ কৰাৰ পিছতো এই অনুচ্ছেদটো, আৰু "আমাৰ চুক্তি আৰু আমি অসন্মত হ’লে কি হ’ব," বুলি কোৱা তলৰ শাখাটো প্ৰযোজ্য হ’ব।

আমাৰ চুক্তি আৰু যদি আমি অসন্মত হওঁ তেন্তে কি হয়

• আপুনি ব্যৱহাৰ কৰা সংগীতো আমাৰ সংগীতৰ নিৰ্দেশনাৱলী সাপেক্ষে হয়, আৰু আপুনি কৰা আমাৰ API ব্যৱহাৰো আমাৰ প্লেটফ’ৰ্ম নীতিৰ সাপেক্ষে হয়৷ যদি আপুনি আন বিশেষ সুবিধা বা সম্পৰ্কিত সেৱাসমূহ ব্যৱহাৰ কৰে, তেন্তে অতিৰিক্ত চৰ্তাৱলীৰ সৈতে সন্মত হ’বলৈ আপোনাক এটা সুযোগ প্ৰদান কৰা হ’ব, সেইটো লগতে আমাৰ চুক্তিৰো এটা অংশ হ’ব। উদাহৰণস্বৰূপে, যদি আপুনি পৰিশোধ কৰা সুবিধাসমূহ ব্যৱহাৰ কৰে, তেন্তে আপোনাক সমুদায়ৰ পৰিশোধৰ চৰ্তাৱলীত সন্মতি জনাবলৈ কোৱা হ’ব৷ যদি সেই চৰ্তাৱলীৰ কোনোবা এটাৰ এই চুক্তিৰ সৈতে বিৰোধ ঘটে, তেন্তে অন্য চৰ্তাৱলীৰ দ্বাৰা নিয়ন্ত্ৰিত হ’ব৷
• যদি এই চুক্তিখনৰ কোনো দিশ বলৱৎযোগ্য নহয়, তেন্তে বাকীখিনি কাৰ্যকৰী হৈ থাকিব।
• আমাৰ চুক্তিত হোৱা যিকোনো সংশোধন বা দাবীত্যাগ লিখিতৰূপত আমাৰ দ্বাৰা স্বাক্ষৰিত হ’ব লাগিব৷ যদি আমি এই চুক্তিখনৰ কোনো দিশ বলৱৎ কৰাত ব্যৰ্থ হওঁ, তেন্তে ইয়াৰ দাবীত্যাগ কৰা নহ’ব৷
• আমি আপোনাক স্পষ্টৰূপত মঞ্জুৰী প্ৰদান নকৰা সকলো অধিকাৰ সংৰক্ষিত কৰি ৰাখোঁ।

• এই চুক্তিয়ে কোনো তৃতীয় পক্ষকে অধিকাৰ প্ৰদান নকৰে৷
• আপুনি আমাৰ সন্মতি নোলোৱাকৈ এই চুক্তিৰ অধীনত আপোনাৰ অধিকাৰ বা দায়িত্ব স্থানান্তৰ কৰিব নোৱাৰে৷
• আমাৰ অধিকাৰ আৰু দায়িত্ব আনক ন্যস্ত কৰিব পাৰি৷ উদাহৰণস্বৰূপে, আমাৰ গৰাকীস্বত্ব সলনি হ’লে এনে ঘটিব পাৰে (যেনেঃ সম্পত্তিৰ বিলয়, অধিগ্ৰহণ বা বিক্ৰী কৰিলে) নাইবা আইনৰ খাতিৰত৷

• আপোনাক আমাৰ সামগ্ৰীসমূহ প্ৰদান কৰি আৰু সুৰক্ষিত, নিৰাপদ, আৰু ত্ৰুটিমুক্ত পৰিৱেশ বজায় ৰাখি আমি যুক্তিসংগত কৌশল আৰু সেৱা আগবঢ়াম, কিন্তু আমি নিশ্চয়তা প্ৰদান কৰিব নোৱাৰো যে আমাৰ সেৱা সদায় ব্যাঘাত, বিলম্ব বা ত্ৰুটি নোহোৱাকৈ কাম কৰিব। আমি যুক্তিসঙ্গত কৌশল আৰু যতনেৰে কাম কৰিছো, আমি ইয়াৰ বাবে দায়বদ্ধতা গ্ৰহণ নকৰোঃ এই চৰ্তাৱলীৰ আমাৰ দ্বাৰা উলংঘনৰ কাৰণ নোহোৱা বা অন্যাৰ্থত আমাৰ কৰ্মৰ দ্বাৰা নোহোৱা ক্ষতিসমূহ; এই চৰ্তাৱলীত সোমাই পৰাৰ সময়ত আপুনি আৰু আমাৰ দ্বাৰা যুক্তিসঙ্গতভাবে পূৰ্বানুমান কৰিব নোৱৰা ক্ষতিসমূহ; আপুনি আমাৰ সেৱাত পাব পৰা আনৰ দ্বাৰা প’ষ্ট কৰা যিকোনো আক্ৰমণাত্মক, অনুপযুক্ত, অশ্লীল, বেআইনী বা অন্যাৰ্থত আপত্তিজনক সমল; আৰু আমাৰ যুক্তিসঙ্গত নিয়ন্ত্ৰণৰ বাহিৰৰ কাৰ্যক্ৰমসমূহ।
• ওপৰত উল্লেখ কৰাখিনিয়ে মৃত্যু, ব্যক্তিগত আঘাত বা আমাৰ অৱহেলাৰ কাৰণস্বৰূপে হোৱা প্ৰৱঞ্চনামূলক অপব্যাখ্যাৰ বাবে আমাৰ দায়বদ্ধতা বহিৰ্ভূত বা সীমিত নকৰে। ই লগতে কোনো অন্য কথাৰ বাবে আমাৰ দায়বদ্ধতা বহিৰ্ভূত বা সীমিত নকৰে য’ত আইনে সেয়া কৰিবলৈ আমাক অনুমতি নিদিয়ে।

আপুনি যদি এগৰাকী উপভোক্তা আৰু ইউৰোপীয়ান ইউনিয়নৰ এখন সদস্য ৰাষ্ট্ৰত অভ্যস্ততাৰে বসবাস কৰে, তেন্তে সেই সদস্য ৰাষ্ট্ৰৰ আইনসমূহ যিকোনো দাবী, কাৰ্য্যৰ কাৰণ, এই চৰ্তাৱলী (“দাবী”)ৰ পৰা উদ্ভৱ হোৱা বা তাত জড়িত আপোনাৰ আমাৰ বিৰুদ্ধে থকা বিবাদত প্ৰযোজ্য হ’ব, আৰু দাবীটোৰ ওপৰত অধিকাৰক্ষেত্ৰ থকা সেই সদস্য ৰাষ্ট্ৰৰ যিকোনো যোগ্য আদালতত আপুনি আপোনাৰ দাবীৰ মীমাংসা কৰিব পাৰে। অন্য সকলো ক্ষেত্ৰত, আপুনি সন্মত যে দাবীটো আয়াৰলেণ্ড গণৰাজ্যৰ এখন যোগ্য আদালতত সমাধান কৰিবই লাগিব আৰু এই চৰ্তাৱলী আৰু যিকোনো দাবী আইৰিচ আইনে পৰিচালনা কৰিব, আইনী ধাৰাসমূহৰ সংঘাট বিবেচনা নকৰাকৈ।

আমি সদায় প্ৰতিক্ৰিয়া বা অন্য পৰামৰ্শৰ প্ৰশংসা কৰোঁ, কিন্তু তাৰবাবে আপোনাক ক্ষতিপূৰণ দিবলৈ কোনো সীমাবদ্ধতা নোহোৱাকৈ সেইবোৰ ব্যৱহাৰ কৰিব পাৰোঁ আৰু কোনো ন্যস্ত দায়িত্বৰ অধীনত সেইবোৰ গোপনীয় কৰি ৰাখিবলৈ নহয়।

এই চৰ্তাৱলীৰ নবীকৰণ